बघेली नोक झोंक, शिक्षक की मनोदशा

Facebook Twitter Google+ LinkedIn StumbleUpon Pinterest

403 By 7newsindia.in Sat, Oct 13th 2018 / 18:09:44 मध्य प्रदेश

कहैंय संजीव मिसिर हमरे परदेश कस मुखिया न कबौ भें आहीं न आगे होइहीं

सीधी,

संजीव विहन्ने विहन्ने अखबार लै के बैठे कहिन सुनतू हऊ बडकवा के महतारी, दादू त पुरनकवा मेर के मास्टर होय गें। का कहे धौं पुनि कहा । इया कहेन दादू पुरनकबा मेर के मास्टर होय गें इया अखबार में छपा है। अब तनखाहौ बढि जयी हां अब सगली सुबिधा मिलवा करी जेतनी सरकारी नोकडिहन क मिलति है । बिहन्ने बिहन्ने बहुत निकही बाति बताये हम आजु बढाऊरा जाब नरियर फोरब हमार दादू केर बीस बरिष से कबौ इया नाउ कबौ उआ नाउ धराय धराय ऐसन लागत रहा जैसन बोलियात हों बरिआय दादू के भागि बहुरी पुरान जमाना कस मास्टर होय गें। अब कहब फुलवा खातिर निकहा घर दुआर देखां परी कै डारा अब कहे के झंझट है । घरबा पूरा कराय लें । रामविहारी जहां पढय जात हय जाय दें । अब खप्टी न खजुआमा भगवान दिहिसि है त लडिकन बच्चन क काहे कुछू सकेत रहय । ज सुपारी ले आउ । गोहराउ दादू का अरे सोबय देई बहुत राति आबा है । संघ के बैठक बपुरे रोजि करत हमा कबौ एखा कगदा देत हमा कबौ ओखा औ हर महीना भूपाल दौड़े चले जात हमा। होय गा अब सब ठीक होय जयी सुषमा सब सुनति रही दौडि के पटौहा म पहुचि गय। का हो पुरान बाला मास्टर होय गै । को कहत है हमार मोबाइल लेआऊ, रहिजा गिरे न देईत हयेन । ले देखि ले सब तर शोर होयगा तु पुरान मास्टर बनि गै पेपर मॉ छपा है। इया बताबा हमरे चुडिबेन का मजबूत कराय दे अम्मा ता वनवाये रही पै कमजोरि है एक तोला मा मजबूति होय जयी ठीक है। दोइ तोला के कराय देब, अबय एरियर मिली औ तनख़ाह 6 हजार से लय के 8 हजार तक बढि जा मस्टरायिनि तु चाय पिआवा ले ना लै खड़े हयेन । अरे बाह केतना फरक पडि गा पुरान मास्टर के नाम सुनतय जौने दिन आदेश लै के अउब त का होई ।

जा जल्दी नहाय लेई हम गाटि सेराये देईत हयेन-

त गाटि तरकारी खाय के इस्कूलि जा देर न करा अब पुरान मास्टर होय गये । खुशी खुशी नौ महीना कयसन निकरि गा पतय नही चला । आजु अखबार आबा रोजि कस खोलिनि औ धै दिहिनि औ चुप्पे पहुडिगे । दाई निकरी त कहिसि कैसा करते हये अखबार काहे नहीं पढ़ता। पढि चुकेन एतना जल्दी अरे का बतायी दादू के आदेश रुकि गा बोटहयी के कारण का कहे अब पुरान मास्टर न बनिही नही को बोट तक कुछू न होई औ बोट के बाद उहय होई जयसन बीस बरिष से होत आबा है । देखा बडा नागा भ आशा दै के लै लीन्हिसि । ऐखे कस हत्तिआर मुखिया न भा आय न आगे होई इया पिछले पांच बरिष कस धोखा पुनि के दिहिसि । धीरे धीरे बता दादू न सुनि ले केतना घिनहा लागी बपुरा गंगा सागर आसौ लै जाय कहत रहा । भितरे दादू मोबाइल से सब पहिलेनि जानि गे रहे पै कोहू से नहीं बताइनि रामविहारी के महतारी कहति है उठा चाय पी ले चिंता ना करा सब ठीक होय जयी जयसन चलत रहा ओयसै चली चूडी हमारि मजबूति है, हम आजु देखेन ओमा थोडव जो बजन बढी त गरू होय जयी तूं उठा जाय दे। जे जयसन करिहीं ओयसन भोगिहीं तु, इया बताबा एहूं दरकी ओखे नाई सरकार से मिला त नहीं । अब हम का जानी मिला होय चाहे नही सरकार पुनि के बाउर बनाय दिहिसि । हा एक दम सही बाति आय । ऐसने मनयी के किरबा परी नरक होई चुप्प रहु, जौन करम म रहा उहय मिलत है। एतना सुनि ले औ सब का बतात दिहे जयसन इया धोखा दिहिसि हय ऐसन बदला सब कोऊ लिहे जौने पुरनकवा कस खीशि निपोरे बागय।